عێراق و تورکیا – پڕۆژەی کاریگەری خێرا بۆ کۆمەڵگاکانی ناوچەکە

لە هەر چوار وڵاتی هاوبەشی قودرە ٢، حکومەتەکانی ناوچەکە پێشەنگ بوون لە گەیاندنی خزمەتی بنچینەیی بۆ ئاوارەکان، ئاوارە ناوخۆییەکان، کەسانی گەڕاوە بۆ وڵاتانی خۆیان و کۆمەڵگا خانەخوێیەکان. پەتای کۆڤید-١٩ بۆتە هۆی دروستبوونی چەندین بەرەنگاربوونەی نوێ.

قودرە ٢ پشتگیری دەکات لە هەوڵەکانی  هاوبەشانی حکومەتە ناوچەییەکان بەمەبەستی گەیاندنی خزمەتگوزاری سەرەتایی تایبەت بۆ کۆمەڵگاکانیان. ئەوە نەتەنها سوودی هەیە بۆ تەندروستی تاکەکان بەڵکو یەکگرتوویی و سەقامگیری کۆمەڵایەتیش بەهێز دەکات.

لە عێراق، پڕۆژەکانی کاریگەری خێرا بوونەتە هۆی باشتربوونی ژێرخانەکان لەحاڵێکدا لە تورکیا جەختی سەرەکیمان یەکگرتوویی کۆمەڵایەتی و خزمەتگوزارییە سەرەتاییەکانی کۆمەڵایەتی بووە.

عێراق – پڕۆژەی کاریگەری خێرا بۆ کۆمەڵگاکانی ناوچەکە

لە عێراق، ئاسانکاریی  گەشەی پارێزگا  (GDF) و پڕۆژەکانی کاریگەری خێرا (QIP) لە هەرێمی کوردستان/عێراق (KRI) بە سەرکەوتووی بەردەوام بوون. جەختی سەرەکی لەسەر پێداویستی خێرا بۆ خزمەتگوزاری تەندروستی، دەستپێڕاگەیشتن بە ئاوی پاک و جادە و ڕێگای پارێزراو بووە.

لە ژێر ڕێنمایی  ناوەندی هاوبەشی هەماهەنگی قەیرانەکان (JCC)، پڕۆژەکانی کاریگەری خێرا لە پڕۆسەیەکی زۆر هاوبەش و ڕوون دان، کە ئەوە دەبێتە مایەی دڵنیابوونەوە لە پێکانی پێداویستییەکانی کۆمەڵگاکانی ناوچەکە.

٢٧ پڕۆژەی کاریگەری خێرا ئەنجامدراون یان لەحاڵی ئەنجامدران دان. ئەولەویەتەکان بریتی بوون لە باشترکردنی پاشکۆی ئاو و کارەبا بۆ ناوچەکانی نیشتەجێبوون، دڵنیابوونەوە لە پارێزراوی جادەکان، دەستپێڕاگەیشتن بە خزمەتگوزارییەکانی تەندروستی و خزمەتگوزارییەکانی پەروەردەی تەواو.

نموونەکان بریتین لە لکاندنی ناوچەکانی نیشتەجێبوون لەگەڵ  تۆڕی ئاو/و یان کارەبا، پەرەدان بە خزمەتگوزارییەکانی تەندروستی ژنان و نۆژەنکردنەوەی قوتابخانەکان.

سێ پڕۆژەی کاریگەری خێرا ڕاستەوخۆ بەرەنگاری پەتای کۆڤید-١٩ بوونەوە. بە پاڵپشتی قودرە ٢، پارێزگای هەڵەبجە یەکەمین تاقیگەی دەستنیشانکردنی دروستکرد، پارێزگای سلێمانی بەشی چاودێری چڕی (ICU) زیادکرد بە نەخۆشخانەی  قەڵاچۆڵانی دەزگای تەندروستی پێشمەرگە و پارێزگای هەولێر کارەبای بۆ نەخۆشخانەی تازە دروستکراوی کۆڤید-١٩ دابینکرد.

 

٥٩٤٠٠ کەس سوودی ڕاستەخۆیان بینیوە لە پڕۆژەکانی کاریگەری خێرا بۆ کۆڤید-١٩.

پڕۆژەکانی کاریگەری خێرا لەو کەرتانەدا تەواو کراون یان خەریکە تەواو دەکرێن: پەروەردە، خزمەتگوزارییەکانی کۆمەڵایەتی، تەندروستی، ئاو، کارەبا، ڕێگا کان و کەرتەکانی شەبەکە کە زیاتر لە ٦٨٠٠٠٠ سوودبەریان هەبووە کە زیاتر لە ٢٠٨٠٠٠ کەسیان ئاوارە و ئاوارە ناوخۆییەکانن (IDP).

پلانی خولی دووەمی پڕۆژەکانی کاریگەری خێرا بۆ ساڵی داهاتوو لە هەرێمی کوردستان/عێراق داڕێژراوە.

تورکیا – دابینکردنی خزمەتگوزاری گشتگیر لەڕێگای باشکردنی توانای حکومەتی ناوچەیی

لە تورکیا، قودرە ٢ پاڵپشتی یەکەکانی حکومەتی ناوچەیی (LGU) دەکات بەمەبەستی بەهێزکردنی توانای ئەوان بۆ پێشکەشکردنی خزمەتگوزارییەکانیان بە شێوازێکی ڕوون و گشتگیر. قودرە ٢ پاڵپشتی ١٩ شاورەوانی هاوبەشی دەکات لەڕێگات زیادکردنی توانا، گفتوگۆ و پڕۆژەکانی پاڵپشتی کۆمەڵگا (CSP) بە هاوکاری لەگەڵ یەکێتی شارەوانییەکانی تورکیا (UMT). هەموو شارەوانییە پاڵپشتیکراوەکان ڕێژەیەکی زۆریان سووری لەژێر پارێزگاری کاتی لەخۆگرتووە کە لە گۆمەڵگاکانیان دەژین.

لە یەکەم خولی بەخشیندا لە ساڵی ٢٠٢٠، ١٧ پڕۆژەی پاڵپشتی کۆمەڵگا (CSP) ئەنجامدرا بەمەبەستی باشترکردنی خزمەتگوزارییە بنچینەییەکان و یەکگرتوویی کۆمەڵایەتی. لە هەمان کاتدا، توانای شارەوانییەکان بۆ وەڵامدانەوە بە پێداویستییە بنەڕەتییەکانی ئاوارەکان و حەشیمەتی کۆمەڵگای خانەخوێ بەهێزکرا. پڕۆژەکانی پاڵپشتی کۆمەڵگا هەروەها بوونە هۆی پتەوبوونی یەکگرتوویی کۆمەڵایەتی لە کۆمەڵگاکاندا بەتایبەت لە ڕێگای خولەکانی گەشەی لێهاتووییەکان وەکو شارەزایی زمان، کولتوور، هونەر و چالاکی وەرزشی بۆ منداڵان، لاوان و ئافرەتان.

پاڵپشتی کۆمەڵگا ژمارەیەکی زۆر خزمەتگوزاری جیاواز لەخۆی دەگرێت وەکو توندروستی ژینگەیی، پاککردنەوە و بەڕێوەبردنی پاشماوەی ڕەق. بۆ نموونە، شارەوانییەک هەستا بە پێکهێنانی تیمە خۆبەخشەکانی ئاگرکوژاندنەوە لە گوندە دوورەکان کە بەبەردەوامی تووشی ئاگر دەبنەوە. ئەو تیمانە ئێستا دەتوانن وەکو یەکەم وەڵامدەرەکان بجووڵێن بۆ ئەوەی کە لە پارێزراوی گەڕەکەکانیان دڵنیا ببنەوە. پڕۆژەکانی دیکە دەستیان کرد بە نۆژەنکردنەوەی یاریگاکانی منداڵان و پاڕکەکان کە ئێستاکە بوونەتە شوێنگەلێک بۆ دانیشتوان، گەنجان و بەتەمەنەکان بۆ یاریکردن، وەرزش و قسەکردن.

چوار پڕۆژەی پاڵپشتی کۆمەڵگا وەڵامدەری ڕاستەوخۆی کۆڤید-١٩ بوون و کیتی خاوێنی، بابەتەکانی بەرزکردنەوەی ئاگاداری، ڕاهێنان و کەرەستەکانی خۆپارێزیان بۆ ٢٧٠٠٠٠ سوودبەر دابین کردووە.

کۆی ٣٢٣٠٠٠ سوودبەر لەڕێگای یەکەم خوڵی بەخشینی بەڕێوەچوو لە تورکیا سوودیان لە خزمەتگوزارییە باشترکراوەکان وەکو ڕێکارەکانی پێشگیری لە کۆڤید-١٩ بینیوە.

هەڵسەنگاندنەکانی پێداویستییەکانی بەشداربووان لە شارەوانییەکانی قودرە ٢ دەستیان پێ کردووە بۆ خولی دووەمی پڕۆژەکانی پاڵپشتی کۆمەڵگا لە ٢٠٢١دا.